ممكن تكون في حاجات كتيرة في حياتنا بنحسبها غلط وبنكتشف بعد فترة إننا حسبناها غلط ونقول ياخسارة ضيعنا من عمرنا كتير قوي لكن الحمد لله إن ربنا فوّقنا ..
يمكن الموضوع النهارده خط احمر وناس كتيير قوي زهقت منه واتخنقوا ..
بس معلش ممكن تكملوا الموضوع لحد الآخر ونشوف يا ترى احنا حسبناها المرة دي صح؟؟
ولا زي كل مره حسبناها غلط ؟؟...
الموضوع باختصار هو اني عاوزة اقولكم أو بالأخص اقول لاخواتى المسلمات يلا نلبس الحجاب ونعرف ان الحجاب مش بس طرحة ..
يلا ولو لمره فى حياتنا نحسبها صح بس النهارده مش هتكلم عن الحجاب كدين وقال الله وقال الرسول!!..
انا هتكلم بلسانك انتي ايوه انتي ياللي مش عاوزه الحجاب ياريت متستغربوش قوي كده من كلامي لانك انتي اللى رافضه الحجاب .
وقبل ما أبدأ كلامي لازم اعرفك انتي ايه بالنسبة لربنا
كتير قوي من البنات بتقول الاسلام ظلم المرأة واعطى الرجل حق وتجاهل عن حقوق المرأة ..
دي اول حاجة حسبتيها غلط انتي عارفة ان المرأه قبل الاسلام كانت بدون كيان وبدون وجدان ومكنش معترف بيها كانسانه
انتي عارفه ان النساء قبل الاسلام كانت تورث يعنى ممكن تورث مرات خالك او مرات عمك ...
وطبعا عارفين انه كان العرب بيوأدوا البنات خوفا من العار حتى جاء الاسلام فحرم هذا كله
ومش بس كده ده ربنا عز وجل نزل فى كتابه الكريم سوره سماها النساء ليرفع من مكانتها وان يكون سبحانه وتعالى موجود معها كلما ارادت المرأة قرأت كلامه
ولما وجد سبحانه وتعالى ان لفظ [color=red]"انتي على كظهر امي" وهو كان لفظ الانفصال عند العرب يجرح شعورها ولا يليق بأحساسها انزل سبحانه وتعالى سورة الطلاق كي يكون لفظ الانفصال هو الطلاق او الحرية وغير ذلك الكتير وده اللى ربنا عمله عشانك ياترى انت عملتى ايه عشانه؟؟
بصي بصراحة انا ممكن اعمل اي حاجة فى حياتى عشان ارضى ربنا بس الحجاب .... ربنا يسامحنى ؟
برضه هنحسبها بالعقل ..
هو ينفع حد يدخل كلية تجارة ويقول ياجماعة انا هذاكر كل المواد بس بلاش المحاسبة اصلى مبحبهاش ؟؟ ..
برضة مينفعش ندخل الاسلام ومحدش اجبرنا على دخوله وبعد كده نقول بلاش كذا وكذا اصلهم تقال عليا ..
احنا اردنا الاسلام دين يبقى نرضاه كله وننفذ أوامره ونبتعد عن نواهيه .
بصي بصراحة اصل الحجاب مش شيك خالص ومينفعش ألبسه .. وبصراحة مينفعش أمشي في الشارع بخيمة؟؟
برضه نحسبها بالعقل ..
أولا الحجاب مش خيمة ولا هو وحش ولا استيله قديم عارفة ليه .. ؟
عشان مفيش حد هيكون بيحب الجمال اكتر من ان الله جميل يحب الجمال وهو اللى فرض الحجاب عليكي وهو اللى اختاره ليكى معقول هيختارلك حاجة وحشة ومفيش حد بيحبك قده لان ربنا اكتر واحد بيحب عباده .
بصي من الاخر اصلي حرام اداري الجمال ده ؟؟
اولا جمالك ده ربنا فرض الحجاب عشانه..عشان خاطر يحفظك جواه من نظرات الناس زي ما بيحفظ اللؤلؤه في محارة عشان مش اي حد يبصلك ويجرحك ويأذيكي اسمعيه وهو بيقول " ذلك ادنى ان يعرفن فلا يؤذين " يعنى هو مش فرضه عليكي الا عشان خايف عليكى من ان حد يأذيكى ..
وثانيا هو مش ربنا اللى عطاكي الجمال ده هقولك مثال :
فى فطر بيصيب الرأس وبيسبب مرض القراع وده منتشر فى الرجال بعد سن الخامسه والعشرين مسألتيش نفسك هو مش ممكن يصيبك وياترى ساعتها هتلبسي الحجاب ولا...؟؟
انا احسن من محجبات كتير ده انا اعرف واحده محجبة وبتعمل ...
اولا اللى انتي تعرفيها او اللى بتكون محجبة ومش كويسة فده دليل عن طهارة الحجاب لانها ملقتش افضل واذكى واطهر من الحجاب عشان تستخبى فيه ..
ومش معنى انها لابسه الحجاب ان الحجاب وحش يا إما بقى من حق الكافر يقول ان الاسلام وحش عشان فى مسلمين بيعملوا بلاوي كتيييييييير ..
أنا بلبس بس كدة لغاية ما أتجوز .. لكن بعد كدة إن شاء الله لبسي هيتغير خالص
بالعقل ياترى انتي ضامنه تعيشي يوم كمان ؟
وثانيا كل اختيارت الشباب بتروح للبنات المحجبات لانه بيختار زوجة هيقضي معها عمره وهتكون ام لأولاده فى المستقبل .
بصي بصراحة انا متخيلش نفسي اقدر امشي بحجاب ...
[color:b3d0=darkred:b3d0]
المظهر الاجتماعي و علاقاتي مع الناس في المجتمع من أهم اهتماماتي "
أنا بحب دايما إن يكون شكلي و لبسي شيك .. و بصراحة بشوف أشكال من الحجاب مش بتعجبني خالص "
أنا الحمد لله اتحجبت .. بس أنا اتعودت على اللبس دة .. يعني لو غيرت لبسي أرمي كل الهدوم اللي عندي ؟؟ "
أنا عايزة التزم بالحجاب الصحيح بس مش عارفة آخد القرار .. حاسة إن الموضوع صعب علية أوي "
بصي فى كل الشبهات ديه وكل الشبهات اللى عندك مش هقولك ضحى عشان خاطر ربنا ولا هقولك ده كلام ربنا ورسوله ولو بتحبيهم بجد يبقى لازم تسمعى كلامهم مهما كان انا هسألك سؤال واحد ؟
لو الحجاب بنفس الشروط اللي فرضها ربنا اصبح احدث صيحات الموضه واشهرها ياترى هتلبسيه ولا لأ؟؟..
طب ياترى مصممي الموضه رأيهم عندك اغلى من امر ربنا ورسوله؟؟
اخيرا ممكن نكون حاطين لنفسنا اسوار وسدود ما هى الا من صنع انفسنا وهى من ابسط ما يكون اختراقها
وديه وجهة نظري .. احسبها معاكي بالعقل من غير ما اقولك قال الله وقال الرسول ..
وعرضي يحتمل الصواب او الخطأ ولكن فريضة الحجاب لا تحتمل اي نوع من انواع الخطأ ......